四日三夜已經沖沖完結，呢兩日都係訓下醒下咁，都唔知時間係幾點
每次訓醒都有一D失落感，想起大O已經完結，真係好快 好彩每次都會諗起All U Gig有好多我值得期待既野，每一個細組聚、輔聚、我地既開學飯、post-camp、同埋好期望黎緊一年可以認識多D新生 ，得閒敲下你地房門(正Camp太少時間比我落組喇) 呢四日三夜All U Gig總算成功左一大步，對於我黎講，O'Camp唔係要贏得到D咩，最重要最重要，係真係要令大家鍾意呢個書院，鍾意呢個書院既感覺。好開心既係收到freshman對我講，呢個組好warm、組爸媽好caring 係Day 1 Mass Game既時候自己都行錯左方向，曾經太過著緊輸贏，有身邊既人提醒我，諗通左，輸贏真係唔係一個重點，輸遊戲唔代表輸氣氛，贏左亦唔等同係成功。今年既氣氛，實在太睇重輸贏、氣氛唔太和諧，言詞都係要踩底人地、抬高自己。正Camp期間，我自己都有做過呢D PK野，真係好錯。 其實只要可以令freshman投入過去玩遊戲，享受過O'Camp既氣氛，睇得到呢個書院既優點，已經係好成功。自問自己都未必做得到呢樣野，希望黎緊仲有機會比我向返正確方向去做。 收到一個新生留比我既一句說話，「仁者無敵」，起初仲會覺得好搞笑，但諗諗下，其實呢句說話好有道理。我有排都仲未做得到呢一步，呢四個字應該交比豉油。 一個O'Camp，睇多左好多野，學到好多野，要多謝呀得同一班OC、呀正、Bonsy、三位大組長、一班輔員，係你地身上面我學左好多，你地每一個都係我好值得佩服既人。 一班All U GiG既輔員，要緊記呢個大組既成立唔係謹謹為正Camp呢四日，呢四日只謹謹係一個開始，要努力令freshman融入Shaw，令佢地享受書院既生活，proud of呢個書院既特色。你地組爸媽既責任仲要keep on架，比心機努力~ 多謝每一位支持過我，為我打過氣既人~都係果句，我欠你地既人情債，有排都還唔清~ 衷心多謝你地，希望你地都享受呢一個O'Camp 想對GiGers講既野，係大組xanga入面再同你地講 | 